|
Гарантии международные
|
|
ЭЛАРАЛЫК КЕПИЛДИК – кандайдыр бир мамлекеттин (мамлекеттер тобунун) аныкталган укугун же статусун сактоону, эларалык милдеттенмелердин аткарылышын же эларалык мамилелердин белгилүү бир деңгээлин сактоону камсыз кылчу эларалык байланыштагы башка катышуучуларынын иш аракетине карата мамлекеттин же мамлекеттер тобунун ишеним же кепилдик берүүсүн караган эларалык-укуктук акт. Э. к-тин өзөгү мамлекеттин бейтараптыгын же анын аймактык колтийбестигин сактоо болушу мүмкүн. Э. к. өзара жана жамааттык болуп бөлүнөт. Адатта көп жактуу эларалык келишимдер эларалык укуктагы Э. к-тин түзүлүү актысы болуп саналат. Эларалык же мамлекеттик актыларга ылайык түзүлүп, мамлекеттин же географиялык бир чөлкөмдүн укугун, же болбосо статусун кепилдикке алууга даяр экендиги тууралуу келишим катышуучуларынын бил дирүүсү Э. к. катары саналышы мүмкүн. Бир тараптуу Э. к-ге да жол берилет (м.: насыя жөнүндөгү келишим боюнча кепилдик).
|
Мобильный режим
=